Mulindangabo Moïse yahawe gusifura umukino wa Rayon Sports na APR FC

Mulindangabo Moïse yahawe gusifura umukino wa Rayon Sports na APR FC

Umusifuzi wo hagati Mulindangabo Moïse yahawe gusifura umukino w’ikirarane w’umunsi wa gatatu wa shampiyona Rayon Sports izakiramo APR FC ku wa Gatandatu tariki 7 Ukuboza 2024.

Amakipe yombi azahurira muri uyu mukino harimo ikinyuranyo cy’amanota 11 hagati y’impande zombi Rayon Sports ni yo iyoboye shampiyona n’amanota 29 mu mikino 11 imaze gukina mu gihe APR FC iri ku mwanya wa gatanu n’amanota 18 mu mikino icyenda imaze gukina.

Ku nshuro ya mbere, kuva u Rwanda rwatangira kugira abasifuzi mpuzamahanga, ni bwo umukino wa Rayon Sports na APR FC ugiye gukinwa nta musifuzi mpuzamahanga w’umugabo uri muri batanu bazawuyobora bitewe nuko hari abafite imikino mpuzamahanga bazayobora ya CAF Champions League na Confederation Cup mu gihe abandi bari mu mahungurwa.

Uwo mukino uzatangira ku wa Gatandatu saa kumi n’ebyiri z’umugoroba kuri Stade Amahoro, wahawe Umusifuzi Mulindangabo Moïse

Abandi basifuzi bazungiriza Mulindangabo Moïse barimo Valerie Maniragaba azaba ari umwungiriza wa mbere, Emmanuel Habumugisha azaba ari uwa kabiri mu gihe irafasha Emmanuel azaba ari Umusifuzi wa Kane. Komiseri w’Umukino yagizwe Rurangirwa Aaron.

Kwinjira kuri uyu mukino utegerejwe n’abatari bake ni amafaranga y’u Rwanda 3 000 na 5 000 mu gihe iya menshi ari 1 000 000 Frw.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27