Mozambique: Perezida Filipe Nyusi yasuye Ingabo z’u Rwanda

Mozambique: Perezida Filipe Nyusi yasuye Ingabo z’u Rwanda


Ku wa Kabiri taliki ya 20 Nzeri, Perezida wa Repubulika ya Mozambique Filipe Jacinto Nyusi, yasuye inzego z’umutekano z’u Rwanda ziri mu butumwa bwo guhashya ibyihebe mu Ntara ya Cabo Delgado, Akarere ka Moçimboa da Pria. 

Yanaganirije ibihumbi by’abaturage bamaze gusubira mu byabo babifashijwemo n’inzego z’umutekano z’u Rwanda ku bufatanye n’iza Mozambique ndetse n’izoherejwe m’Umuryango w’Ubukungu uhuza Ibihugu by’Afurika y’Amajyepfo (SAMIM). 

Abo baturage bakuwe ku mkambi baguyemo bahunze ubugome bw’ibyihebe, bashimira Leta ya Mozambique yasabye ubufasha bw’amahanga bumaze gutanga umusaruro ufatika mu kugarura amahoro mu Ntara ya Cabo Delgado. 

Perezida Filipe Nyusi yashimiye inzego z’umutekano z’u Rwanda zagaragaje ubwitange n’ubuhanga budasanzwe mu guhangana n’ibyihebe kuva bahagera muri Nyakanga 2021.

Yabashimiye kandi ukwiyemeza bakomeje kugaragaza, umurava n’imyitwarire myiza byashomangiye ubunyamwuga bw’Igisirikare na Polisi by’u Rwanda. 

Ubwo yahuraga n’abaturage ba Moçimboa da Pria, Perezida Nyusi yabijeje inkunga yose ishoboka ya Guverinoma kugira ngo amahoro bafite arusheho gusagamba, ndetse ibintu byose bizasubire ku murongo byahozeho mbere ya 2017 ubwo hadukaga ibyo byihebe bigendera ku matwara ya Leta ya Kiyisilamu.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27