Mozambique: Batatu bapfiriye mu myigaragambyo abandi 66 barakomereka

Mozambique: Batatu bapfiriye mu myigaragambyo abandi 66 barakomereka

Ibitaro bikuru bya Mozambique, Maputo Central Hospital (HCB), byatangaje ko byakiriye abantu batatu bapfuye n’abandi 66 bakomerekeye mu myigaragambyo iri kubera mu Murwa mukuru Maputo.

Kuri uyu wa gatanu ni bwo byatangajwe ko abo bapfuye abandi   bakomerekera mu mirwano ubwo bigaragambyaga bamagana ibyavuye mu matora.

Abo baje bakurikira abandi 18 bamaze kuyigwamo kuva haba amatora ku ya 09 Ukwakira 2024, aho abashyigikiye umukandida wiyamamaje ku mwanya wa perezida, Venancio Mondlane banze kwemera ibyavuye mu matora batsinzwemo na Daniel Chapo w’ishyaka FRELIMO.

Abigaragambya bakora ibikorwa by’urugomo aho basahura, bagatwika imodoka, bagasenya inzu n’ibindi ndetse bimwe mu bigo biharanira uburenganzira bwa muntu bigaragaza ko imaze kugwamo abantu 34.

Ejo hashize abantu ibihumbi bagiye mu mihanda y’Umurwa  mukuru Maputo baririmba bati: “Frelimo agomba kuvaho”, bafunga  imihanda batwika amapine  banatera amabuye.

Ibiro Ntaramakuru by’Abongereza, Reuters byatangaje ko abigaragambya barashwe ibyuka biryana mu maso mu rwego rwo kubatatanya.

Gusa Polisi ya Mozambique nayo ishinjwa n’imiryango iharanira uburenganzira bwa muntu kuba yarakoresheje amasasu mu bigaragambya mu bihe byatambutse ariko Minisitiri w’Umutekano yavuze ko bari gukora ibishoboka kugira ngo bagarure umutekano n’ituze muri rubanda.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27