Miss Uganda yitabiriye amarushanwa ya Miss World

Miss Uganda yitabiriye amarushanwa ya Miss World

Nyampinga wa Uganda ubitse ikamba rya 2025, Natasha Nyonyozi yitabiriye irushanwa rya Miss World, rigiye kuba ku nshuro ya 72 agiye guhatanamo n’abandi 110 baturutse hirya no hino ku Isi ariko batarimo Umunyarwanda.

Miss Natasha Nyonyozi, yatangiye ku mugaragaro urugendo rwe rwo guhatanira ikamba rya Miss World 2025 ribera mu Buhinde, aho yageze muri icyo gihugu mu gace ka Telangana rizaberamo muri Sitade Gachibowli Indoor.

Ni irushanwa ryatangijwe ku mugaragaro n’ibirori byabaye ku mugoroba wo ku cyumweru tariki 11 Gicurasi 2025, ritangizwa na Minisitiri w’Intebe w’Intara ya Telangana, A. Revanth Reddy, imbere y’imbaga y’abantu babarirwa mu bihumbi bari bateraniye muri Sitade Gachibowli Indoor.

Ibyo birori byaranzwe n’umuhango wo kumurika imico, aho abakobwa bahagarariye ibihugu byo muri Amerika y’Amajyepfo (Latin America) batambutse bambaye imyambaro ya cyera ya gakondo, banagaragaza imihango gakondo yabo.

Miss Nyonyozi yagiye ku mbuga nkoranyambaga asangiza abamukurikira amashusho y’uko yaserutse mu birori byo gutangiza irushanwa rya Miss World 72, kandi ko umuco w’Igihugu cye ariwo umuha imbaraga n’ishyaka byo kugera kure.

Ati: “Cyera habayeho umukobwa wari uturutse mu muri Uganda isaro rya Afurika, uwo mukobwa ni ikimenyetso cy’ubuntu n’ishema ku gihugu cye, yambaye umukara, umuhondo n’umutuku natwaye umuco w’Igihugu cyanjye nk’amababa.”

Nyonyozi ni umuhanga mu bijyanye no gucunga imari, akaba yararangije icyiciro cya kabiri cya kaminuza mu ishami rya Accounting and Finance muri Coventry University mu Bwongereza.

Uyu mukobwa anazwi nk’umuvugizi wihariye w’abana bafite ubumuga, cyane cyane ababa bafite autisme.

Biteganyijwe ko ibirori bya nyuma by’irushanwa rya Miss World ririmo kuba ku nshuro ya 72, bizatangaritzwamo uwegukanye iryo kamba, bizaba tariki 31 Gicurasi 2025.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27