Miss Kundwa Doriane ari mu byishimo byo kwibaruka imfura

Miss Kundwa Doriane ari mu byishimo byo kwibaruka imfura

Nyampinga w’u Rwanda wa 2015, Kundwa Doriane ari mu byishimo byo kwibaruka imfura ibyishimo buri wese aba yiteze mu buzima.

Ni inkuru yakwirakwiye ku mbuga nkoranyambaga by’umwihariko iz’inshuti ze kuri uyu wa Gatandatu tariki 19 Nzeri 2026, aho basangije amafoto ye bamwifuriza ishya n’ihirwe.

Ni inkuru kandi yaje nyuma y’uko mu minsi ishize bamwe mu nshuti ze bari bamuteguriye ibirori byo guha ikaze umwana, bizwi nka baby shower.

Nubwo byagiye bigaragara ko Kundwa yibarutse ariko andi makuru ajyanye n’imyirondoro y’umwana yaba igihe yavukiye, aho yavukiye n’ibindi ntawigeze ayatangaza.

Miss Kundwa usanzwe atuye muri Canada, aheruka mu Rwanda mu mpera za 2025 ubwo yari yaje muri gahunda zitandukanye zirimo no gusura n’inshuti ze by’umwihariko umukunzi we.

Muri Kamena 2026, yatangaje ko yabonye impamyabumenyi y’icyiciro cya kabiri cya kaminuza mu bijyanye n’Ubuzima, Bachelor of Health Sciences, muri Ontario Tech University.

Miss Kundwa Doriane yanabaye Visi Perezida w’Ihuriro Mpuzamahanga ry’Urubyiruko rw’Abanyarwanda rigamije Iterambere, International Rwanda Youth for Development (IRYD), risanzwe ritegura Rwanda Youth Convention mu bikorwa by’Abanyarwanda baba muri Canada.

Miss Kundwa Doriane yibarutse imfura
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27