Miss Bahati Grace na Murekezi Pacifique bibarutse imfura yabo

Miss Bahati Grace na Murekezi Pacifique bibarutse imfura yabo

Bahati Grace wabaye nyampinga w’u Rwanda, n’umugabo we Murekezi Pacifique bibarutse imfura yabo, ariko akaba ubuheta bwa Bahati Grace, kubera ko imfura ye yayibyaranye na K8 Kavuyo.

Umwana w’umuhungu wa Miss Bahati na Murekezi yavutse tariki 13 Gashyantare 2024, bahita bamwita Murekezi B. Raphaël, akaba akurikira mukuru we Muhire Ethan.

Ni inkuru yamenyekanye binyuze ku rubuga rwa Instagram rwa Miss Bahati, ubwo yasangizaga abamukirikira ayo makuru abinyujije ku ifoto y’umwana yahashyize, akayikurikiza amagambo agaragaza ko we n’umugabo we batewe ishema no kwibaruka umwana.

Yagize ati: “Imitima yacu isendereyemo umunezero n’amashimwe.”

Aba bombi bizihiwe no kwibaruka imfura yabo y’umuhungu, inkuru y’urukundo rwabo yamaze igihe kitari gito kugeza ubwo tariki 05 Nzeri 2021.

Murekezi Pacifique aherekejwe n’inshuti n’umuryango basabye banakwa Bahati Grace, mu birori byitabiriwe n’ibyamamare bitandukanye by’Abanyarwanda baba muri Leta Zunze Ubumwe z’Amerika.

Bahati yabyaye neza, kandi n’umwana nta bibazo yigeze avukana, kuko yavutse apima ibilo 3.1.

Bahati Grace yumvikanye cyane mu rukundo igihe kitari gito, n’umuhanzi nyarwanda wamenyekanye nka K8 Kavuyo, banabyaranye umwana w’umuhungu.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27