Minisitiri w’Uburezi yagiranye ibiganiro na Ambasaderi w’u Bushinwa mu Rwanda

Minisitiri w’Uburezi yagiranye ibiganiro na Ambasaderi w’u Bushinwa mu Rwanda

Mu gitondo cyo kuri uyu Gatatu tariki 15 Ugushyingo 2023, Minisiteri y’Uburezi (MINEDUC) yatangaje ko Minisitiri w’Uburezi Twagirayezu Gaspard yagiranye ibiganiro na Wang Xuekun, Ambasaderi w’u Bushinwa mu Rwanda.

Minisiteri y’Uburezi ibinyujije ku rubuga rwayo rwa X, yagize iti “Ibiganiro byibanze ku guteza imbere ubufatanye bw’u Bushinwa n’u Rwanda, cyane cyane hibandwa ku rwego rw’uburezi”.

Ambasade y’u Bushinwa mu Rwanda, isanzwe ari umufatanyabikorwa mwiza wa Leta mu mishinga itandukanye y’iterambere, harimo n’iy’uburezi.

Muri uru rwego, ibihugu byombi bifitanye imikoranire myiza mu guteza imbere amashuri y’imyuga n’ubumenyingiro, amasomo ajyanye n’indimi, gutanga buruse zo kwiga mu Bushinwa, gutanga amahugurwa n’ibindi binyuranye.

Kuva mu myaka 10 ishize, nibura abarenga 1000 bamaze koherezwa kwiga mu Bushinwa, binyuze muri ubwo bufatanye, haba abiga ubumenyingiro n’abiga andi masomo ya Kaminuza n’amashuri makuru mu Rwanda.

KAYITARE JEAN PAUL

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27