Minisitiri Mukazayire yasabye Abanyarwanda gutiza umurindi Amavubi

Minisitiri Mukazayire yasabye Abanyarwanda gutiza umurindi Amavubi

Minisitiri wa Siporo, Nelly Mukazayire, yasabye abanyarwanda gushyigikira ikipe y’igihugu Amavubi bakayitiza umurindi mu mukino uzayihuza n’ikipe Sudani y’Epfo ku wa Gatandatu tariki 28 Ukuboza 2024 Saa Kumi n’Ebyiri kuri Sitade Amahoro.

Ni umukino wo kwishyura w’ijonjora rya nyuma mu gushaka itike ya Shampiyona Nyafurika ihuza abakina mu bihugu byabo (CHAN 2024).

Ubutumwa yashyize ku rubuga rwe rwa X rwahoze ari Twitter kuri uyu wa Kane tariki 26 Ukuboza 2024, Minisitiri wa Siporo Mukazayire yavuze ko ku wa Gatandatu ruzaba rwambikanye hagati y’Amavubi na Sudani y’Epfo.

Yakomeze agira ati: “Muzaze twifatanye dufane ikipe yacu. Gura itike yawe bidatinze, uzagere kuri Sitade wizinduye maze tubatize umurindi twegukane intsinzi.”

Amatike yo kwinjira yatangiye kugurishwa, aho igice cyo hejuru ndetse n’igice cyo ahegereye ikibuga, hose hagizwe 1000 Frw.

Muri VIP hagizwe 10 000 Frw, muri VVIP hagizwe 50 000 Frw, mu myanya y’icyubahiro hagirwa 100 000 Frw mu gihe ahiyubashye cyane hagizwe 1 000 000 Frw.

Umukino ubanza mu gushaka itike ya CHAN 2024 warangiye, ikipe y’igihugu Amavubi itsinzwe na Sudani y’Epfo ibitego 3-2.  

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27