Minisitiri Mukazayire yacyeje Amavubi yatwaye FIFA Series 2026

Minisitiri Mukazayire yacyeje Amavubi yatwaye FIFA Series 2026

Minisitiri wa Siporo, Nelly Mukazayire, yishimiye ikipe y’Igihugu “Amavubi” yegukanye Igikombe cy’Itsinda A mu irushanwa rya FIFA Series 2026 ryakinwe mu Rwanda ku nshuro ya mbere. Ku wa Mbere, tariki ya 30 Werurwe 2026, ni bwo kuri Stade Amahoro hakiniwe umukino wa nyuma w’iri rushanwa ritegurwa n’Ishyirahamwe rya Ruhago ku Isi (FIFA).

Ikipe y’u Rwanda yabigezeho nyuma Estonia ibitego 2-0 byatsinzwe na Biramahire Abbedy na Joy-Lance Mickels. Nelly Mukazayire wari kuri Stade Amahoro muri uyu mukino wihariwe n’Amavubi, yaje gucisha ubu butumwa ku rubuga rwa X ashimagiza Ikipe y’Igihugu yimanye u Rwanda.

Ati: “Mwarakoze cyane basore bacu ku bwo kwitanga mukimana u Rwanda. Mwaduhaye ibyishimo guhera ku munsi wa mbere wa FIFA Series 2026 kugeza mutwaye n’igikombe.” Yakomeje agira ati: “Turashimira Nyakubahwa Perezida wacu [Paul Kagame] udahwema gushyigikira no guteza imbere Siporo. Imiyoborere yanyu y’indashyikirwa ni yo dukesha ibi byose. Turashimira by’umwihariko abafana b’Amavubi. Mbega ngo muraza muri benshi mugaha ikipe ‘morale’, murasobanutse cyane pe.”

Rutahizamu w’Amavubi, Leroy-Jacques Mickels, ukina anyuze mu mpande ni we wabaye umukinnyi mwiza w’irushanwa nyuma yo gutsinda ibitego bibiri no gutanga umupira umwe uvamo ikindi.

U Rwanda rwanditse amateka yo kuba Igihugu cya mbere cyakiriye amatsinda abiri muri iri rushanwa, aho Itsinda A ryarimo u Rwanda, Estonia, Kenya na Grenada, Itsinda B rikabamo Aruba yatwaye igikombe, Macau, Tanzania na Liechtenstein.

Minisitiri Mukazayire yashimiye Amavubi yitwaye neza muri FIFA Series
Minisitiri wa Siporo, Nelly Mukazayire ashyikiriza igihembo Leroy-Jacques Mickels
Leroy-Jacques Mickels ni we wabaye umukinnyi mwiza w’irushanwa
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27