Minisitiri Dr Nsanzimana yibukije urubyiruko kwirinda virusi itera SIDA

Minisitiri Dr Nsanzimana yibukije urubyiruko kwirinda virusi itera SIDA

Minisitiri w’Ubuzima Dr Sabin Nsanzimana yibukije urubyiruko kwirinda Virusi itera SIDA binyuze mu kwifata, kwirinda no gukoresha agakingirizo, kuko iyo virusi igihari ntaho yagiye kandi ikaba igaragara cyane mu rubyiruko.

Yabigarutseho kuri uyu wa Gatandatu tariki ya 30 Ugushyingo 2024 mu muganda rusange, aho yifatanyije n’abaturage bo mu Murenge wa Gisenyi mu Karere ka Rubavu.

Yagize ati: “Icya mbere ni ubuzima, by’umwihariko rubyiruko mwirinde kunywa inzoga kuko zangiza umubiri, ndetse mwirinde Virusi itera Sida binyuze mu kwifata, kwirinda no gukoresha agakingirizo.”

Yongeyeho ati: “Igihari muri iyi minsi urubyiruko ni mwe VIH yibasiye murasabwa gukoresha agakingirizo kuko nimukomeza kwishora mu mibonano mpuzabitsina idakingiye murahakura virusi itera SIDA.”

Yabagiriye inama yo kwifata byaba bibananiye bagakoresha agakingirizo.

Minisitiri Dr Nsanzimana muri uwo muganda ari kumwe n’abafatanyabikorwa mu rwego rw’ubuzima mu Rwanda barimo n’abahagarariye UNAIDS Rwanda n’abandi bayobozi batandukanye, abayobozi b’ibitaro bifatanyije n’abaturage ba Mbugangari, mu Murenge wa Gisenyi, mu Karere ka Rubavu mu muganda rusange wo gutera igiti.

Byari kimwe mu bikorwa bitegura Umunsi Mpuzamahanga wo kurwanya SIDA uzizihirizwa mu Karere ka Rubavu, ku Cyumweru tariki ya 1 Ukuboza 2024.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27