Mbonyumwami Thaiba yongerewe mu Mavubi yitegura Benin na Afurika y’Epfo

Mbonyumwami Thaiba yongerewe mu Mavubi yitegura Benin na Afurika y’Epfo

Rutahizamu wa Marines FC, Taiba Mbonyumwami, yongerewe mu ikipe y’Igihugu ”Amavubi” asimbuye Joy-Lance Mickels uherutse kuvunika imbavu bituma atitabira.

Ni amakuru yatangajwe n’ikipe Marine FC yanyujije ubutumwa ku mbuga nkoranyambaga zayo itangaza ko rutahizamu wayo yahamagawe kuri uyu wa Kabiri, tariki ya 7 Ukwakira 2025.

Amavubi yahamagaye abakinnyi azifashisha mu mikino y’umunsi wa cyenda n’uwa 10 mu yo gushaka itike yo kujya mu Gikombe cy’Isi kizabera muri Leta Zunze Ubumwe za Amerika, Mexique na Canada.

Icyo gihe hahamagawe umukinnyi mushya ukina muri Sabah FK, Joy-Lance Mikels, ariko mbere yo kwitabira avunika imbavu byatumye abanza kwitabwaho n’abaganga.

Umutoza w’Amavubi, Adel Amrouche, yamusimbuje Mbonyumwami Thaiba waherukaga guhamagarwa mu mwaka ushize wa 2024.

Uyu agomba guhita asanga bagenzi be mu mwiherero wo kwitegura iyi mikino irimo uwa Benin uzaba tariki ya 10 Ukwakira kuri Stade Amahoro, n’undi uzabahuza na Bafana Bafana muri Afurika y’Epfo.

Itsinda C ryo gushaka itike yo kujya mu Gikombe cy’Isi cya 2026, riyobowe na Benin ifite amanota 14 inganya na Afurika y’Epfo, u Rwanda na Nigeria bikagira 11, mu gihe Zimbabwe ifite amanota icyenda na Lesotho ifite ane ziri mu myanya ya nyuma.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27