Mbonyi ni uwa 4 ku rutonde rw’abahanzi barebwe cyane kuri youtube muri Kenya

Mbonyi ni uwa 4 ku rutonde rw’abahanzi barebwe cyane kuri youtube muri Kenya

Umuhanzi w’indirimbo zo kuramya no guhimbaza Imana Israel Mbonyi yaje mu bahanzi batanu ba mbere barebwe cyane ku rubuga rwa Youtube muri Kenya muri uyu mwaka wa 2024.

Ni ibyatangajwe n’urubuga rwa Social Blade rusanzwe rukora urutonde ngarukamwaka rw’imbuga nkoranyambaga zikunzwe zikanasurwa cyane muri Kenya, kuri uyu wa Kabiri tariki 11 Ukuboza 2024.

Ni urutonde ruyobowe n’umuhanzi Diamond Platnumz warebwe cyane muri 2024, agakurikirwa na Harmonize mu gihe Rayvanny ari ku mwanya wa gatatu hanyuma Israel Mbonyi akaza ku mwanya wa kane, hagakurikiraho abarimo Zuchu n’abandi.

Uru rutonde kandi rugaragaraza ko muri uyu mwaka, abatuye muri Kenya barebye ibihangano bya Israel Mbonyi inshuro miliyoni 75.

Ibi bibaye nyuma y’uko Israel Mbonyi amaze gukora ibitaramo bitandukanye bizenguruka Akarere k’Iburasirazuba birimo n’icyo yakoreye mu Mujyi wa Nairobi muri Kenya tariki 10 Kanama 2024.

Ni urukundo Israel Mbonyi akomeje kugaragarizwa bitewe ahanini nuko yatangiye kujya ashyira indirimbo ze mu rurimi rw’Igiswahili rusanzwe rukoreshwa n’ibihugu byinshi byo ku mugabane wa Afurika.

Biteganyijwe ko Israel Mbonyi azongera gutaramira muri Kenya tariki 31 Ukuboza 2024, mu gitaramo cyo gusoza umwaka wa 2024 yinjiza Abanyakenya mu wa 2025, baramya banahimbaza Imana, aho azajya amaze iminsi mike ataramiye Abanyarwanda muri BK Arena tariki 25 Ukuboza 2024.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27