Masaka Kids yasusurukije abitabiriye umukino wa FC Barcelone na Valencia

Masaka Kids yasusurukije abitabiriye umukino wa FC Barcelone na Valencia

Itsinda ry’abana bo muri Uganda babyina bazwi nka ‘Masaka Kids’ babyinnye mu kiruhuko cy’igice mbere cy’umukino wahuje FC Barcelone na Valencia.

Ni umukino  wabereye kuri sitade “Olimpico Luis Companys” muri Espagne ku mugoroba wo ku wa Mbere tariki 29 Mata 2024.

Nyuma yo gutaramira abakunzi ba FC Barcelona na Valencia, Masaka kids ibinyujije ku mbuga nkoranyambaga zayo yavuze ko inzozi zabo zabaye impamo.

Bati: “Gutaramira kuri Sitade Olimpic Companys ni inzozi zabaye impamo kuri twe, twishimiye cyane aya mahirwe twabonye. Urakoze Mana, dushyimiye by’umwihariko FC Barcrlona.”

Masaka Kids yashinzwe mu 2013 ikaba igizwe n’abana banyuze mu buzima bubi cyane ariko binyuze mu mbyino n’indirimbo bigarurira icyizere cy’ubuzima.

Uyu mukino warangiye FC Barcelona itsinze Valencia ibitego 4-2 harimo ibitego bitatu byatsinzwe na rutahizamu Robert Lewandowski.

Gutsinda uyu mukino kuri FC Barcelona byatumye ibona itike yo gukina UEFA Champions League ya 2024-2025.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27