Mali: Komiseri wa Loni yababajwe n’urufu rw’abarenga 50

Mali: Komiseri wa Loni yababajwe n’urufu rw’abarenga 50

Komiseri Mukuru w’Umuryango w’Abibumbye ushinzwe uburenganzira bwa muntu Volker Turker, yavuze ko ababajwe n’abantu  barenga 50 baguye mu bitero by’imitwe yitwaje intwaro muri Mali.

Aljazeera kuri uyu wa 01 Gashyantare 2024, yatangaje ko abantu 25 bishwe n’ingabo za Mali ndetse n’abasirikare b’amahanga mu cyumweru gishize mu karere gakunze kurangwamo urugomo rw’imitwe yitwaje intwaro.

Volker Turk kandi yatangaje ko ahangayikishijwe n’iyicwa ry’abandi bantu 30 baguye mu bitero byagabwe mu mpera z’icyumweru gishize muri Mali rwagati.

Mu magambo ye, Turk yagize ati: “Natunguwe n’ibirego bivuga ko ingabo za Mali ziherekejwe n’abasirikare b’abanyamahanga bishe abantu 25 mu mudugudu wa Welingara, mu karere ka Nara rwagati ku ya 26 Mutarama.”

Yongeyeho ati: “mpangayikishijwe n’amakuru avuga ko abasivili bagera kuri 30 baguye mu bitero byagabwe n’abantu bitwaje intwaro bataramenyekana ku yindi midugudu irimo Ogota na Oimbe, mu karere ka Bandiagara mu mpera z’icyumweru gishize.”

Guhohoterwa n’inyeshyamba muri Mali byatangiriye mu Majyaruguru ya Mali mu 2012, bikwirakwira mu gihugu rwagati mu 2015.

Kuri ubu igihugu cya Mali kiyobowe n’igisirikare kirangajwe imbere na   Perezida Assimi Goïta, wafashe ubutegetsi  ku ya 24 Gicurasi 2021, nyuma yo guhirika perezida Bah Ndaw.

Afurika y’Iburengerazuba na Mali iherereyemo, yabaruye ibitero birenga 1.800 mu mezi atandatu ya mbere ya 2023, byaguyemo abantu bagera ku 4600, byatumye benshi babura ubutabazi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27