Liverpool yirukanye Arne Slot wari umutoza wayo

Liverpool yirukanye Arne Slot wari umutoza wayo

Ikipe ya Liverpool yo mu Bwongereza yatangaje ko yatandukanye na Arne Slot wari umutoza mukuru wayo kubera umusaruro mubi yagize mu mwaka w’imikino wa 2025/26.

Ku gicamunsi cyo kuri uyu wa Gatandatu, tariki ya 30 Gicurasi 2026, ni bwo Liverpool yashyize hanze itangazo rigaragaza ko itakiri kumwe n’uyu mutoza wayigezemo mu 2024 avuye muri Feyenoord yo mu Buholandi imushimira umusaruro we.

Uyu Muholandi w’imyaka 47, yahiriwe n’umwaka we wa mbere afasha Liverpool kwegukana Igikombe cya Premier League cyari icya 20 muri rusange.

Ibi bihe byiza ntibyakomeje mu mwaka w’imikino urangiye wa 2025/26, aho Liverpool yasoreje ku mwanya wa gatanu ku rutonde rwa Shampiyona y’u Bwongereza n’amanota 60.

Mu mikino 57 yatoje Liverpool yatsinze 28, inganya 20 atsindwa icyenda. Umunya – Espagne Andoni Iraola utoza AFC Bournemouth ni we uhabwa amahirwe yo kumusimbura.

Arne Slot yatandukanye na Liverpool yagezemo mu 2024
Arne Slot yahesheje Liverpool igikombe cya 20 cya Shampiyona y’u Bwongereza
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27