Liberia: Amatora y’Umukuru w’Igihugu agiye gusubirwamo

Liberia: Amatora y’Umukuru w’Igihugu agiye gusubirwamo

Komisiyo y’Igihugu Ishinzwe Amatora muri Liberiya yatangaje ko amatora y’Umukuru w’Igihugu azongera kuba ku ya 14 Ugushyingo nyuma yo kubura Umukandida n’umwe mu bahatanye ugira 50%.

Ibisubizo byerekanye ko Perezida George Weah na Joseph Boakai utavuga rumwe n’ubutegetsi, bananiwe kubona amajwi ahagije, aho Weah afite 43.83%, mu gihe Boakai nawe afite 43.44%.

Perezida wa Komisiyo y’Amatora, Davidetta Browne Lansanah, yatangaje ko amatora ya kabiri azaba ku ya 14 Ugushyingo.

Yavuze ko umubare w’abatoye ari 78.86% bivuze ko ari abagera kuri miliyoni 2.4.

Ibiro Ntaramakuru by’Abongereza Reuters byanditse ko amatora yabaye ku ya 10 Ukwakira yagaragaye nk’ikizamini mu bashyigikiye Weah w’imyaka 57 wahoze akina umupira w’amaguru, wanenzwe kuri manda ye ya mbere n’abatavuga rumwe n’ubutegetsi ndetse n’abafatanyabikorwa Mpuzamahanga ba Liberia kubera ko yananiwe guhangana na ruswa.

Georges Weah yatsinze amatora yo mu 2017 abikesheje ibyo yijeje Abanyaliberiya mu kurwanya ubukene no guteza imbere ibikorwa remezo, muri uku kwiyamamaza gushya nabwo yongeye kwizeza abenegihugu ko nibamugirira icyizere azazahura ubukungu bw’igihugu bwangiritse.

Boakai bahanganiye uyu mwanya w’imyaka 78, yiyamamaza we yibukije ko ari ngombwa ko batabara Liberia, avuga ko yangijwe n’imiyoborere mibi ya Weah.

KAMALIZA AGNES

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27