Leta yijeje gufasha imiryango y’abagwiriwe n’ubwanikiro bw’ibigori

Leta yijeje gufasha imiryango y’abagwiriwe n’ubwanikiro bw’ibigori

Guverinoma y’u Rwanda  yihanganishije imiryango y’ababuriye ababo n’abakomerekeye mu mpanuka y’ubwanikiro bw’ibigori nwaguye ku batunganyaga umusaruro abantu 11 bagahita bahasiga ubuzima n’abandi benshi bagakomereka. 

Ni impanuka yabaye ku wa Gatanu, bikaba bikekwa ko yatewe n’umuyaga wahushye kuri ubwo bwanikiro bwarimo umusaruro mwinshi w’ibigori byari bimanitse ku biti bivugwa ko na byo byari byaramunzwe. 

Abakomerekeye muri iyo mpanuka bahise bajyanwa kuvurirwa ku Bitaro bya Masaka, bakaba bakomeje kwitabwaho n’abaganga. 

Nk’uko bigaragara mu itangazo ryashyizweho umukono na Minisitiri w’Intebe Dr. Edouard Ngirente, Guverinoma y’u Rwanda yiyemeje kuba hafi no gutanga ubufasha bukenewe ku miryango yabuze ababo no ku bakomerekeye muri iyo mpanuka. 

Ubwo bwanikiro bwaguye ku bantu buherereye mu Kagari ka Gasagara, Umurenge wa Rusororo mu Karere ka Gasabo.

Abahuye n’ibyo byago ni abaturage bibumbiye muri Koperative y’abahinzi bishimiraga umusaruro mwishi babonye mu gihembwe gishize cy’ihinga. 

Uretse gufata mu mugongo iyo miryango, Guverinoma y’u Rwanda yatangaje ko ingamba zo gukurikirana ireme ry’imyubakire zigiye gushyirwamo imbaraga mu gukumira impanuka nk’izo mu gihe kiri imbere.  

Umuvugizi wa Polisi y’u Rwanda yemeje ko hatangiye iperereza ryimbitse ku ntandaro y’iyo mpanuka. 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27