Leta iri hafi kubona abacunga Sitade Amahoro

Leta iri hafi kubona abacunga Sitade Amahoro

Leta y’u Rwanda irimbanyije ibiganiro n’ibigo bitandukanye bizacunga Sitade Amahoro iherutse kuvugurwa.

Nkuko bitangazwa n’ikinyamakuru The New Times, biteganyijwe ko mu mpera z’uyu mwaka wa 2024 iki gikorwa remezo kizaba gifite abakireberera buri munsi.

Sitade Amahoro yatashywe ku mugaragaro na Perezida Paul Kagame ndetse na Perezida wa CAF, Patrice Motsepe tariki ya 1 Nyakanga 2024, ndetse yahawe uburenganzira na CAF na FIFA rwo kwakira amarushanwa mpuzamahanga.

Sitade Amahoro nshya ifite ubushobozi bwo kwakira abantu bicaye ibihumbi 45 bavuye ku bihumbi 25.

Harimo ibyumba bikorerwamo n’abanyamakuru mu kazi kabo, bitandukanye n’aho baba bakorera hejuru muri sitade mu gihe bari kureba umukino.

Amakipe afite ahantu habiri hatandukanye yinjirira kuko aba agomba kwinjira adahuye. Ifite urwambariro rushobora kwakira amakipe ane icya rimwe, ni ukuvuga abiri agiye gukina n’andi ashobora gukina nyuma y’ayo.

Kugeza ubu iyi sitade imaze kwakira imikino itandukanye y’umupira w’Amaguru harimo umukino wahuje APR na Police FC, APR FC na Rayon Sports ndetse n’umukino wa CAF Champions League APR FC yasezereyemo Azam FC yo muri Tanzanian iyitsinze ibitego 2-1 mu mikino ibiri.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27