Kwibuka 30: Nyundo hashyinguwe mu cyubahiro imibiri 7

Kwibuka 30: Nyundo hashyinguwe mu cyubahiro   imibiri 7

Ku rwibutso rwa Jenoside rwa Nyundo mu Karere ka Rubavu habereye igikorwa cyo kwibuka abazize Jenoside yakorewe Abatutsi, hashyingurwa n’indi mibiri 7 yabonetse aho imwe yavanywe muri Karere ka Rutsiro.

Iki gikorwa cyitabiriwe na Minisitiri w’Ubuzima Dr Nsanzimana Sabin, Guverineri w’Intara y’Iburengerazuba Dushimimana Lambert, Abasenateri n’Abadepite, abafite ababo bashyinguye kuri rwibutso rwa Jenoside rwa Nyundo n’abaturage b’Akarere ka Rubavu.

Minisitiri w’Ubuzima, Dr Nsanzimana yasabye abitabiriye gukomeza kwibuka biyubaka bubaka n’Igihugu baharanira ko ibyabaye bitazasubira ukundi.

Ati: “By’umwihariko, urubyiruko murasabwa kutazagwa mu mutego nk’uwo politiki mbi yashyizemo abakoze Jenoside.”

Mu rwibutso rwa Jenoside yakorewe Abatutsi rwa Nyundo hashyinguyemo imibiri irenga ibihumbi 10. Harimo kandi imibiri igera ku 9 041 yakuwe ku rwibutso rwa Bigogwe ihashyinguye by’agateganyo kuko ruri gusanwa.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27