Kirehe: Gitifu w’Umurenge wa Gahara yatawe muri yombi

Kirehe: Gitifu w’Umurenge wa Gahara yatawe muri yombi

Urwego rw’Igihugu rw’Ubugenzacyaha (RIB) rwemeje ko Olivier Mwenedata, Umunyamabanga Nshingwabikorwa w’Umurenge wa Gahara, Akarere ka Kirehe, yatawe muri yombi akekwaho kunyereza umutungo wa Leta. 

Amakuru yatanzwe na RIB ku wa Kane Taliki ya 13 Nyakanga agaragaza ko Mwenedata yafashwe ku wa Gatatu taliki 12 Nyakanga.

Umuvugizi wa RIB Dr. Thierry B. Murangira, yabwiye itangazamakuru ko uyu Gitifu yafatiwe mu cyuho nyuma yo kubikuza miliyoni 5 z’amafaranga y’u Rwanda ku mwajenti (agent) akoresheje kode yakoreshejwe hakusanywa imisanzu  yatanzwe n’abaturage. 

Yagize ati: “Amafaranga yari anyereje ni ayakusanyijwe n’abaturage b’Umurenge wa Gahara bakusanyije inkunga zabo kugira ngo bagure imodoka ifasha mu bikorwa by’Umurenge wa Gahara mu Karere ka Kirehe. Ukekwa yafatiwe mu cyuho arimo kubikuza mikiyoni 5 z’amafaranga y’u #Rwanda kuri agent wa Mobile Money.”

Yakomeje asobanura ko uyu Muyobozi yakoresheje undi muntu kugira ngo yakire ayo mafaranga avuye kuri kode y’Umurenge. 

Dr. Murangira yongeyeho ko ukekwa yafatiwe mu Mudugudu wa Nyakarambi mu Murenge wa Kigina, akaba afungiwe kuri Sitasiyo ya RIB ya Kirehe. 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27