Kim Jong Un yasuye uruganda rw’indege mu Burusiya anatumira Putin

Kim Jong Un yasuye uruganda rw’indege mu Burusiya anatumira Putin

Kuri uyu wa Gatanu, Umuyobozi wa Koreya ya Ruguru, Kim Jong Un uri mu ruzinduko mu Burusiya yasuye uruganda rw’indege mu Mujyi wa Komsomolsk-on-Amur mu Burasirazuba bw’iki gihugu, nyuma y’uko impande zombi zishimangiye ko ubufatanye mu bya gisirikare bushoboka.

Ikigo cya TASS cyatangaje ko uru ruganda runini rukora indege mu gihugu kandi rugateza imbere indege z’intambara, harimo iz’ubwoko bwa Su-35S na Su-57.

Biteganyijwe ko Umuyobozi wa Koreya ya Ruguru azerekeza mu Mujyi wa Vladivostok ku cyambu aho azareba ubushobozi bwa gisirikare bw’amato y’u Burusiya, nk’uko Perezida Vladimir Putin yabitangarije Ibiro Ntaramakuru bya Leta by’u Burusiya.

Ku wa Gatatu w’iki cyumweru habaye ibiganiro byamaze amasaha atanu, byabereye muri Vostochny Cosmodrome byerekanye umubano ukomeye hagati y’ibihugu byombi, hagaragara igitutu cy’amahanga bitewe n’ibitwaro kirimbuzi u Burusiya bwakoresheje bugaba igitero kuri Ukraine.

Kuri uyu wa Kane, Kreml yatangaje ko Putin yemeye ubutumire bwa Kim bwo gusura Koreya ya Ruguru kandi ko Minisitiri w’Ububanyi n’Amahanga w’u Burusiya Sergey Lavrov na we azasura iki gihugu mu Kwakira, nk’uko umuvugizi Dmitry Peskov yabitangaje.

KAMALIZA AGNES

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27