Kigali: APR BBC yunamiye abazize Jenoside yakorewe Abatutsi 

Kigali: APR BBC yunamiye abazize Jenoside yakorewe Abatutsi 

Abakinnyi n’abakozi b’Ikipe ya APR BBC, basuye Urwibutso rwa Jenoside rwa Kigali ruri ku Gisozi mu gikorwa cyo Kwibuka ku nshuro ya 31 Jenoside yakorewe Abatutsi mu 1994, yahitanye ubuzima bw’abarenga miliyoni mu minsi 100. 

Iki gikorwa cyabaye kuri uyu wa Gatandatu tariki ya 12 Mata 2025.

Basobanuriwe uko Jenoside yateguwe igashyirwa mu bikorwa ndetse n’uko yahagaritswe na FPR-Inkotanyi n’ingabo za RPA zari ziyishamikiyeho. 

Mukama Victor wahagarariye bagenzi be, yagaragaje ko yize byinshi ku nshuro ye ya mbere yari asuye Urwibutso rwa Jenoside.

Yagize ati: “Ni inshuro ya mbere nsuye urwibutso, amateka y’ababyeyi bacu arababaje. Ntekereza ko ari byiza kuri twe kumenya amateka y’Igihugu cyacu kandi twize byinshi.”

Wari umwanya mwiza kandi ku bakinnyi b’iyi kipe ibarizwamo abanyamahanga batandukanye ndetse n’Abanyarwanda bavukiye hanze bagize amahirwe yo kurushaho gusobanukirwa amateka y’u Rwanda.

Urwibutso rwa Jenoside rwa Kigali rushyinguwemo imibiri y’Abatutsi bishwe muri Jenoside basaga ibihumbi 259.000, bakuwe mu bice binyuranye by’Umujyi wa Kigali no mu nkengero zawo.

Umuyobozi wa APR BBC, Richard Murefu uri hagati
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27