Kicukiro: Abaturage basabwe gupfundikira ibyobo bifata amazi

Kicukiro: Abaturage basabwe gupfundikira ibyobo bifata amazi

Ubuyobozi bw’Akarere ka Kicukiro mu Mujyi wa Kigali bwasabye abaturage bako kwibuka gupfundikira ibyobo bicukurwa mu rwego rwo kwirinda impanuka.

Mu butumwa bugufi Akarere ka Kicukiro kanyujije ku mbuga nkoranyambaga ‘Twitter’, bugaragaza ko ibyobo bidapfundikiye bishobora gutwara ubuzima bw’abaturage.

Ubwo butumwa bugira buti “Turasaba abaturage bubaka ko bagomba kwihutira gupfundikira ibyobo byabo nyuma yo kubicukura.

Gutinda kubipfundikira biteza impanuka zishobora no gutwara ubuzima bw’abantu”.

Mu gihe ibinogo byaba bidapfundikiye abana bashobora gukinira hafi yabyo bakaba babigwamo bityo bakahatakariza ubuzima.

Ikiganiro gito umukozi w’Akarere ka Kicukiro yahaye Imvaho Nshya, yashimangiye ko ngo uretse n’abana, n’abantu bakuru cyangwa abanyantege nke na bo bashobora kugwa muri ibyo byobo.

Yanditswe na KAYITARE JEAN PAUL

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27