Kera kabaye Christiano Ronaldo yatwaye Shampiyona ya Arabie Saoudite

Kera kabaye Christiano Ronaldo yatwaye Shampiyona ya Arabie Saoudite

Nyuma y’imyaka ijya kugera kuri Ine, rurangiranwa mu mupira w’amaguru Christiano Ronaldo akina muri Al-Nassr FC yafashije gutwara igikombe cya Shampiyona ya Soudi Pro League! Ronaldo wageze muri iyi kipe mu kuboza 2022, nyuma yuko bitagenze neza muri Manchester United, asoje iyi shampiyona afite ibitego 26.

Mu mukino wabahesheje igikombe Christiano yabaye umukinnyi wakinnye neza kurusha abandi (Man of the Match), kuko yatsinze ibitego bibiri muri bine batsinze DAMAC Club, aho na mugenzi we Sadio Mane ndetse na K.Coman bawugizemo uruhare rukomeye.

Ibi bibaye mu gihe mu ntangiro z’uyu mwaka Ronaldo yagaragazaga ko atishimiye kuba muri Al Nassr, aho yerekanaga ko shampiyona yaho ya Saudi Pro League irimo amakipe amwe atoneshwa kurenza andi. Kuba ibyo avuga ntacyo biri guhindura, byatumaga benshi bagaragaza ko ari ukumutesha agaciro nyamara yarashyize itafari rinini ku iterambere ry’umupira w’amaguru muri icyo gihugu.

Nyuma yo kwegukana intsinzi yahise ashyira ifoto ku mbuga nkoranyambaga ze igaragaza ibyishimo atewe no gutwara iki gikombe.

Ronaldo yabaye umukinnyi witwaye neza mu mukino yatsinzemo ibitego bibiri bituma ikipe ye itwara igikombe cya Shampiona
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27