Kenya yifuje ko Mueke yaba Umunyamabanga Mukuru mushya wa EAC

Kenya yifuje ko Mueke yaba Umunyamabanga Mukuru mushya wa EAC

Leta ya Kenya yagaragaje Mwende Mueke Catherine nk’uwasimbura Peter Mathuki ku mwanya w’Umunyamabanga Mukuru w’Umuryango w’Afurika y’Iburasirazuba (EAC).

Ni nyuma y’aho Peter Mathuki agizwe Ambassaderi wa Kenya mu gihugu cy’u Burusiya.

Perezida William Ruto ni we waraye ahisemo uyu Catherine nk’uko byashyizwe ahagarara n’Ibiro bye ku wa 8 Werurwe 2024.

Nubwo Catherine yatoranyijwe ngo azasimbure Peter Mathuki, agomba gutegereza ko yemezwa n’Inama y’Abakuru b’Ibihugu ba EAC nk’uko amategeko agenga uwo muryango abiteganya.

Kenya yifuza ko Mueke ari we watorerwa gukomeza kuyobora ubunyamabanga bwa EAC mu myaka ibiri yari isigaye kuri manda y’uyu Mathuki yaba asimbuye wari umaze imyaka 3 kuri uwo mwanya.

Mueke ni impuguke mu kugena Politiki n’imiyoborere, yakoze mu bigo bitandukanye ndetse anahagararira ubutumwa bw’Umuryango w’Abibumbye Loni mu mashami ya UNESCO, UNDP no mu bikorwa byo kugarura amahoro muri Sudani yEpfo.

Mbere yo gukorana na EAC, Mathuki we yamaze igihe ari Umuyobozi Mukuru w’akanama gashinzwe ubucuruzi muri Afurika y’Iburasirazuba, gahuriyemo amahuriro y’inzego z’abikorera bari mu bihugu bigize EAC.

Mathuki aherutse gusura u Rwanda ku I tariki ya 22 Gashyantare 2024 ari kumwe n’Umuyobozi wa EAC akaba na Perezida wa Sudani y’Epfo Salva Kiir. Muri urwo  ruzinduko bagiranye ibiganiro na Perezida w’u Rwanda, Paul Kagame.

Mathuki yagizwe ambasaderi wa Kenya mu Burusiya
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27