Kenya: Urukiko rwemeje kweguza Visi Perezida Rigathi Gachagua

Kenya: Urukiko rwemeje kweguza Visi Perezida Rigathi Gachagua

Kuri uyu wa Gatatu, urukiko rwa Kenya rwatangaje ko ibirego byo gushinja Visi Perezida Rigathi Gachagua byemejwe, rusobanura ko hari gutegurwa uburyo Sena yatora ko yakwirukanwa muri iki cyumweru.

Ejo ku wa Kabiri hari hategerejwe umwanzuro w’Urukiko rw’Ikirenga wo kwemerera Abasenateri gukora, bakemeza ko Gachagua yeguzwa mu nshingano ze.

Ku wa Kabiri w’icyumweru gishize, Inteko Ishinga Amategeko ya Kenya yatoye ishinja  Visi Perezida ibirego 11 birimo ruswa, guhungabanya Guverinoma, gukurura urwango rushingiye ku moko n’ibindi ariko  Gachagua yahakanye ibyo aregwa byose.

Gachagua yavuze ko icyifuzo cyo kumweguza gishyigikiwe n’Abadepite batavuga rumwe n’ubutegetsi kandi gishingiye ku binyoma bya  politiki nk’uko bigaragara mu nyandiko z’urukiko zabonywe n’Ibiro Ntaramakuru by’Abongereza, Reuters.

Kuva Perezida Ruto yasesa Guverinoma nyuma y’imyigaragambyo yabaye muri Kamena na Nyakanga, yahise ashyiraho Guverinoma yiganjemo abo mu ishyaka ritavuga rumwe n’ubutegetsi.

Bivugwa ko kuva icyo gihe Gachagua atongeye kugira ijambo ndetse nyuma yaje gukurwa ku rubuga rwa whatsApp yari ahuriyeho na Perezida Ruto kandi ari ho yamenyeraga gahunda y’Umukuru w’Igihugu nkuko yabitangarije Ikinyamakuru The Citizens.

Mu bihe bitandukanye Gachagua yagiye asaba imbabazi Perezida William Ruto, amusaba kutamutererana nkuko yabimusezeranyije ndetse ko niba ari n’umugore we wamuhemukiye asabye imbabazi mu izina rye.

Yagize ati “Ndashaka gusaba umuvandimwe wanjye Perezida William Ruto niba mu kazi naba naramukoreye amakosa, rwose ndamusabye mbikuye ku mutima ngo ambabarire.Niba ari n’umugore wanjye wagukoshereje musabiye imbabazi.”

Yanasabye imbabazi Abadepite bashaka kumweguza n’abandi bashaka ko ava mu nshingano ze.

Gachagua ni we Visi Perezida wa mbere mu mateka ya Kenya waba wegujwe n’Inteko Ishinga Amategeko, Umutwe w’Abadepite.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27