Kenya: Inkangu yatewe n’imvura nyinshi yahitanye abantu 21 

Kenya: Inkangu yatewe n’imvura nyinshi yahitanye abantu 21 

Leta ya Kenya yemeje ko abantu 21 bapfuye, abandi 25 barakomereka mu gihe 30 bagishakishwa, nyuma y’inkangu yatewe n’imvura nyinshi yibasiye u Burengerazuba bw’Igihugu mu gace ka Marakwet.

Umunyamabanga wa Leta muri Minisiteri y’Umutekano Kipchumba Murkomen, yemeje iby’ayo makuru avuga ko abakomeretse boherejwe bitaro bikuru muri ako gace, kugira ngo bitabweho nyuma y’ibiza byatewe n’imvura yo ku wa Gatanu w’iki Cyumweru. 

Ni mu gihe ibikorwa by’ubutabazi bigikomeje kuri uyu wa 02 Ugushyingo, aho hari kwifashishwa indege za gisirikare mu kugeza ibikoresho by’ibanze kuri bari mu byago.

BBC yatangaje ko Umuryango Utabara Imbabare ukorera muri icyo gihugu, Croix-Rouge Kenya, wavuze ko kugeza ubu imihanda y’ibice byibasiwe yatwikiriwe n’itaka bikaba biri gutuma bigorana kugezayo ubutabazi bwihuse.

Leta yasabye abatuye hafi y’imigezi  no mu bice bikunze kwibasirwa n’inkangu kwimukira ahantu hizewe hadashyira ubuzima bwabo mu kaga. 

Ni mu gihe no ku wa Gatatu w’icyumweru gishize imyuzure n’inkangu byibasiye ibice byo hafi y’umupaka wa Uganda na Kenya byahitanye bane, bisenya inzu n’ibikorwa remezo.

Ibikorwa by’ubutabazi biracyakomeje muri Kenya nyuma y’inkangu yishe 21
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27