Kayonza:  Abajyanama barakangurira abaturage gahunda za Leta

Kayonza:  Abajyanama barakangurira abaturage gahunda za Leta
Abaturage bahawe inka bashishikarijwe kuzifata neza bakazagabira na bagenzi babo (Foto Akarere ka Kayonza)

Abagize Inama Njyanama y’Akarere ka Kayonza bakomeje gusura abaturage ndetse n’ibikorwa remezo mu Mirenge yose, muri gahunda y’icyumweru cyahariwe Umujyanama muri ako Karere , aho barimo gukangurira abaturage kwitabira gahunda za Leta zibafasha kugira imibereho myiza no kwiteza imbere.

Abajyanama bibukije abaturage ko hari gahunda zitandukanye basabwa kwitabira no kugiramo uruhare kuko zibagiritra akamaro mu buzima bwabo bwa buri munsi.

Bati: “Murashishikarizwa guharanira kugira Umudugudu utarangwamo ibyaha, kwirinda ubuharike n’andi makimbirane, gutanga ubwisungane mu kwivuza (mituweli) ku gihe, kwitabira kwizigamira muri Ejo heza kugira ngo muzagire amasaziro meza no kurwanya inda ziterwa abangavu”.

Perezida w’Inama Njyanama y’Akarere, Kalimba Doreen ari kumwe n’Umuyobozi w’Akarere ka Kayonza John Bosco Nyemazi na Gakumba Geoffrey basuye Umurenge wa Kabarondo. Babanje kugezwaho aho Umurenge ugeze wesa imihigo ya 2021-2022, ukaba ugeze kuri 81%.

Mu Murenge wa Nyamirama, Abajyanama basuye ikigo cy’ishuri cyitwa:” Cindis Hope Academy”, gifite icyiciro cy’amashuri y’inshuke n’amashuri abanza.

Umwihariko w’iki kigo ni uko bakurikirana abana b’abangavu batewe inda imburagihe kuva batwite. Iyo abakobwa bamaze kubyara barabakurikirana kugeza abana bakuze.

Abajyanama bashimiye umufatanyabikorwa bamwizeza ubufatanye.

Bati: “Twaje kubashyikiriza inka mwahawe na Nyakubahwa Perezida Paul Kagame muri gahunda ya Girinka kugira ngo zibafashe kwiteza imbere. Turabasaba kuzifata neza. Ntimuzahemukire uwabagabiye.”

Abahawe inka bibukijwe ko nizibyara bagomba kwibuka kwitura uwabagabiye. Ikindi ni uko izo nka zose bahawe zihaka.

Nyuma yo gusura Umurenge wa Kabarondo, Abajyanama basuye umurenge wa Murama. Muri uyu Murenge, Abajyanama bashyikirije inka 12 Abaturage batishoboye. Abajyanama basabye abahawe inka kuzifata neza. 

Muri rusange abasuwe bijeje Abajyanama ko inama babagiriye bazazikurikiza.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27