Karongi: Moto yagonganye n’imodoka abari kuri moto barakomereka

Karongi: Moto yagonganye n’imodoka abari kuri moto barakomereka

Moto ifite pulake RH 429B yagonganye n’imodoka yavaga mu Karere ka Muhanga yetrekeza i Karongi, umumotari n’uwo yari ahetse barakomereka.

Iyo mpanuka yabereye ku Rufungo mu Murenge wa Rugabano, mu Karere ka Karongi, moto yari itwawe na Nshizemunda Jean ahetse Akimana Florence, naho imodoka yari itwawe na Mugoboka Yves.

Abari kuri moto barakomeretse, bajyanwa ku bitaro bya Kibuye.

Mugabo Yves wari aho byabereye yabwiye Imvaho Nshya ko bagiye kubona bakabona moto yinjiye mu ikamyo irayigonze, iragwa abari bayiriho barakomereka, abari mu modoka bo ntibagira icyo baba.

Ati: “Byabereye mu Mudugudu wa Bucensha, Akagari ka Rufungo, Umurenge wa Rugabano. Imodoka yari iyo mu bwoko bwa RAV 4. Twabonye moto iyinjiramo, tujyayo tubona umumotari n’umugenzi bakomeretse.”

Yakomeje agira ati: “Polisi ishinzwe umutekano wo mu muhanda ihita ihagera abakomeretse bajyanwa ku bitaro bya Kibuye, ku bw’amahirwe ntihagira uhasiga ubuzima.  Abari mu modoka uko ari 3 ntacyo babaye. Ntitwamenye icyayiteye, cyamenywa na Polisi yahise ihagera.”

Umuvugizi wa Polisi y’Igihugu,ishami rishinzwe umutekano wo mu muhanda, SP Kayigi Emmanuel, yabwiye Imvaho Nshya ko moto yageze mu ikona iva Rubengera igana ku Rufungo, umumotari yiba umukono agonga imodoka RAV 4 yavaga Muhanga igana Karongi, hakomereka  umumotari n’uwo yari atwaye, bajyanwa kuvurirwa ku bitaro bya Kibuye.

Ati: “Impanuka yatewe n’umuvuduko w’uwari utwaye moto no kutubahiriza ibyapa.’’

Yongeyeho ati: “Tuributsa abamotari ko bagomba kubahiriza amategeko y’umuhanda, kimwe n’abashoferi, birinda kwirara no kugendera ku muvuduko uri hejuru kuko biteza impanuka zigira ingaruka ku buzima bwabo, ubw’abo batwaye n’ubw’abandi.’’

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27