Kamonyi: Batatu batemye abantu mu kabare bishwe barashwe

Kamonyi: Batatu batemye abantu mu kabare bishwe barashwe

Polisi y’u Rwanda ikorera Ntara y’Amajyepfo itangaza ko mu Karere ka Kamonyi mu Murenge wa Ngamba harashwe abantu batatu bahasiga ubuzima.

Amakuru avuga ko abantu batatu barashwe nyuma yo gutema abantu bari ku kabari gaherereye mu Murenge wa Ngamba muri Kamonyi.

Amakuru Imvaho Nshya yamenye n’uko ibyo bibazo byabaye ahagana mu masaha ya saa saba zo kuri uyu wa Gatatu tariki 17 Nzeri 2025.

Mu kiganiro kigufi Umuvugizi wa Polisi y’u Rwanda mu Ntara y’Amajyepfo, CIP Hassan Kamanzi, yahaye Imvaho Nshya yagize ati: “Polisi yarashe amabandi atatu yagaragaye mu bikorwa bigayitse by’ubugome aho barimo gutema abantu babacuza ibyabo bakoresheje imihoro ni byuma.

Babasanze mu kabari gaherereye mu Mudugudu wa Raro mu Kagari ka Kabuga Umurenge wa Ngamba Akarere ka Kamonyi.”

CIP Kamanzi yavuze ko abakomerekejwe ari abaturage Bane barimo Niyitanga Emmanuel, Munyeramba Innocent, Ndayisenga Floribert na Mwenedata Samuel.

Abakomerekejwe bahise bajyanywa mu bitaro bya Remera Rukoma kugira ngo bahabwe ubuvuzi.

Police irahumuriza abaturage n’Abaturarwanda, ikibutsa ko itazihanganira abantu bigize intakoreka bishora mu bikorwa bigayitse by’ubugizi bwa nabi bihungabanya umutekano n’ituze ry’Abaturage.

Umuvugizi wa Polisi mu Ntara y’Amajyepfo, CIP Kamanzi, avuga ko hakomeje gukorwa iperereza ry’imbitse ku bikorwa by’ubugizi bwa nabi bwagaragaye mu Karere ka Kamonyi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27