Maj. Gen. Kabandana Innocent yazamuwe mu ntera agirwa Lieutenant General

Maj. Gen. Kabandana Innocent  yazamuwe mu ntera agirwa Lieutenant General

Perezida wa Repubulika y’u Rwanda akaba n’Umugaba w’Ikirenga w’Ingabo z’u Rwanda, Paul Kagame, yazamuye mu ntera Maj. Gen Kabandana Innocent amugira Lieutenant General.

Lt. Gen. Kabandana ni we wayoboye bwa mbere ingabo na Polisi by’u Rwanda byoherejwe guhashya ibyihebe mu Ntara ya Cabo Delgado muri Mozambique.

Umwaka urashize u Rwanda rwohereje abasirikare n’abapolisi muri iyo Ntara yari yarigaruriwe n’ibyihebe bigendera ku matwara ya Kiyisilamu. 

Ingabo z’u Rwanda zishimirwa ko mu gihe gito zigezeyo zahise zotsa igitutu ibyihebe ku buryo mu gihe kigera ku kwezi byari byataye ibirindiro byinshi. 

Nyuma y’umwaka, abaturage benshi bari bamaze imyaka myinshi mu nkambi basubiye mu byabo ndetse ni igikorwa gikomeza. 

Inshingano zo guhuza ibikorwa by’Inzego z’umutekano zoherejwe n’u Rwanda ngo zifatanye n’iza Mozambique ndetse n’izoherejwe nUmuryango SADC (SAMIM) yazisimbuweho na Maj Gen Eugene Nkubito mu mpera z’ukwezi gushize.

Lt. Gen. Kabandana wabaye Umugaba w’umutwe w’Ingabo zidasanzwe (Special Forces), avugwaho kuba intangarugero mu mirimo akora, ndetse benshi mu bo yayoboye bamuziho ko bimugora kwihanganira amafuti n’ubunebwe.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27