Juliana yakoze mu nganzo agaragarizwa urukundo

Juliana yakoze mu nganzo agaragarizwa urukundo

Umuhanzi Juliana Kanyomozi yakoze mu nganzo ashyira ahagaragara indirimbo yise ‘Yongeza’, bituma agaragarizwa urukundo n’abamukurikira ku mbuga nkoranyambaga.

Ni indirimbo yise ‘Yongeza’ ikubiyemo ubutumwa bw’urukundo, aho abwira umukunzi we ko urukundo rwabo ruryoshye akwiye kongeramo imbaraga rukaryoha kurushaho.

Juliana yasangije abamukurikira ku mbuga nkoranyambaga agace k’amashusho y’iyo ndirimbo maze arandika ati: “Ese waba wayirebye? yageze kuri youtube yanjye, mwayireba.”

Abamukurikira bahise bamugaragariza ko bamukunda kandi bari bakumbuye ibihangano bye.

Uwiyita glam-bykdeith: “Wakoze cyane ku kazi keza wakoze.”

Mugenzi we stepl60: “Umuhanzi wanjye w’ibihe byose wakoze cyane Juliana.”

Mugi-ug ati: “Umwamikazi wa Tooro w’ibihe byose. Urasa neza cyane, urakoze kuduha indirimbo nziza iryoheye amatwi.”

Juliana Kanyomozi ashyize iyi ndirimbo ahagaragara nyuma y’iyo yise ‘Omwana’ imaze amezi ane, ikaba ikunda gukoreshwa mu bukwe.

Muri iyo ndirimbo hari aho avuga ati: “Kubona umuntu urukundo runyura byari bikomeye, ariko wowe ibyo ukora birantangaza, uru rukundo rurashyushye ndumva ikibatsi cyarwo, mukunzi ongeza umuriro ruryohe kurushaho.”

Yongeza, ni indirimbo yashyize ahagaragara tariki 13 Kamena 2025, ikaba imaze kurebwa n’abasaga ibihumbi 50, hamwe n’ibitekerezo bisaga 300.

Juliana Kanyomozi amaze imyaka irenga 15 mu muziki, aho yamenyakanye akanakundwa mu ndirimbo zirimo Nabikoowa, Eddiba, Usiende Mbali yafatanyije na Bushoke, Sanyu Lyange, Mama Mbiire yafatanyije na Bobby Wine n’izindi.

Julliana Kanyomozi yeretswe urukundo n’urukumbuzi yari afitiwe n’abakunzi b’ibihangano bye
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27