Jose Chameleone na Big Fizo bagiye guhurira ku rubyiniro

Jose Chameleone na Big Fizo bagiye guhurira ku rubyiniro

Abahanzi b’abanyabigwi Jose Chameleone na Big Fizzo bagiye guhurira ku rubyiniro mu gitaramo kigiye kubera mu Burundi kigamije guhuza imico ya Afurika y’Iburasiraziuba no gusigasira amahoro muri ako Karere.

Ni igitaramo biteganyijwe ko kizavamo iserukiramuco kiswe Amahoro iwacu Festival cyateguwe na Kompanyi isanzwe itegura ibitaramo mu Burundi yitwa ‘Malumba Entertainment company’.

Mu kiganiro kihariye Imvaho Nshya yagiranye na Habarugira Alain washinze iyo kompanyi irimo gutegura icyo gitaramo yayitangarije ko ari igitaramo kigamije gukoresha umuziki mu gusigasira amahoro y’Akarere ka Afurika y’i Burasirazuba.

Yagize ati: “Ni igitaramo kigamije kugaragaza ubufatanye bw’ibihugu biherereye muri Afurika y’Iburasirazuba no kwimakaza ishusho ishingiye ku mahoro y’Akarere muri rusange.”

Akomeza avuga ko bahisemo gutumira Jose Chameleone nk’umuhanzi wakunzwe cyane kandi umaze igihe mu muziki mu Karere.

Ati: “Twahisemo gutumira Jose Chameleone na Big Fizo w’iwacu ariko usanzwe ubarizwa ku mugabane w’u Burayi nk’abantu bakoze umuziki igihe kirekire kandi ugakundwa mu Karere kose.”

Habarugira akomeza avuga ko iryo serukiramuco baryise ‘Amahoro Iwacu Festival’ bitewe n’uko umuziki utagira umupaka bityo ko guhuza abahanzi bo mu bindi bihugu bigize Akarere n’abo mu Burundi bizafasha mu kunga ubumwe no gusigasira amahoro yo mu Karere kandi bigatera imbaraga abahanzi bakizamuka kuko bazajya bakorana n’abanyabigwi bakuze bakunda.

Ni igitaramo kigiye kuba ku nshuro ya mbere aho biteganyijwe ko kizaba ngarukamwaka kandi kikajya kibera mu bihugu bitandukanye bigize Akarere ka Afurika y’i Burasirazuba.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27