Jojo Breezy arashimira Imana ku bwo kumwongerera umwaka

Jojo Breezy arashimira Imana ku bwo kumwongerera umwaka

Murego Joseph umenyerewe cyane nka Jojo Breezy kubera kubyina imbyino zigezweho, arishimira ko Imana yamurinze ikaba yemeye ko hiyongeraho umwaka w’amavuko ku yo yari afite.

Kuri uyu wa Mbere tariki 15 Mata 2024, uyu mubyinnyi umenyerewe mu mbyino zigezweho, aho akunze kigaragara asubiramo  amashusho y’indirimbo zitandukanye zikunzwe.

Yifashishije imbuga nkoranyambaga ze  Jojo Breezy Dancer, yasangije abamukunda n’abamukurikira ko uyu munsi ari umunsi w’isabukuru ye aboneraho gushimira Imana.

Ati: “Kuri buri wese, uyu munsi ni isabukuru yanjye, ushimwe Mana ku bwo kunyongerera undi mwaka wo kubaho, Isabukuru nziza kuri njye.”

Nyuma yo kugaragariza abamukurikira ibyiyumviro abamukurikira biganjemo ibyamamare bitandukanye bamwifurije umunsi w’amavuko mwiza ndetse no kuzahirwa muri uyu mwaka atangiye.

Mu bamwifurije ishya n’ihirwe harimo umukinnyi wa filimi Killaman, umuhanzi Yampano, umunyarwenya Gentil n’abandi.

Zimwe mu ndirimbo yasubiyemo imbyino zazo zigakundwa harimo Why ya The Ben na Diamond Platinumz, Izina ya Bruce Melody, No Whala ya 1Banton n’izindi.

Jojo Breezy agize isabukuru mu gihe hashize igihe kitagera ku kwezi kumwe yegukanye igihembo nk’umubyinnyi mwiza w’imbyino zigezweho w’umugabo w’umwaka (Best Male Modern Dancer of the year), mu bihembo byatangiwe mu birori byateguwe n’Urugaga rw’Ubuhanzi Nserukarubuga (Rwanda Performing Arts Federation) byabereye mu Karere ka Huye, tariki 27 Werurwe 2024, hagamijwe kwizihiza Umunsi Mpuzamahanga w’Ubusizi n’Ikinamico.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27