Jeannette Kagame mu ruzinduko rw’iminsi 3 muri Suwede

Jeannette Kagame mu ruzinduko rw’iminsi 3 muri Suwede

Guhera ku wa Kabiri taliki ya 13 Nzeri, Madamu Jeannette Kagame yatangiye uruzinduko rw’iminsi itatu mu gihugu cya Suwede aho yitezwe guhura n’abayobozi ndetse akanasura ibikorwa bitandukanye byiganjemo iby’ubuvuzi.

Ku munsi wa mbere, Madamu Jeannette Kagame yasuye Ishami rishinzwe ubuvuzi bw’abana binyuze mu mikino, mu Bitaro bya Kaminuza bya Karolinska.

Yagize ati: “Ubuvuzi bushingiye ku mikino butanga inyungu zo gukangura ubwonko bw’abana bahawe ibitaro.”

Madamu Jeannette Kagame arateganya gutanga n’ikiganiro kigaruka ku rugendo rwo kwiyubaka k’u Rwanda nyuma ya Jenoside yakorewe Abatutsi muri 1994, kigamije kwigira ku rugendo rwo kwiyubaka rw’u Rwanda na Suède, hubakwa ubufatanye bugamije iterambere ry’ibihugu byombi.

Hazaganirwa ku mahitamo u Rwanda rwafashe yo gukora Politiki ishingiye ku muturage, guteza imbere gahunda zimakaza ubumwe n’ubwiyunge nka ‘Ndi Umunyarwanda’ n’izindi zigamije iterambere ridaheza.

Abazabyitabira kandi bazungurana ibitekerezo kuri gahunda zishyira umuturage ku isonga no kwishakamo ibisubizo nk’umuganda, gufasha abatishoboye bubakirwa inzu, Gahunda y’Ingo Mbonezamikurire y’Abana bato, iyo gufasha ababyeyi b’ Intwaza barokotse Jenoside yakorewe Abatutsi, imihigo n’izindi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27