Jayden Oswin wakiniraga Afurika y’Epfo mu gikombe cy’Isi yapfuye

Jayden Oswin wakiniraga Afurika y’Epfo mu gikombe cy’Isi yapfuye

Jayden Oswin Adams wakiniraga ikipe ya Mamelodi Sundowns mu kibuga hagati ndetse n’ikipe y’igihugu ya Afurika y’Epfo iherutse gusezererwa mu Gikombe cy’Isi cya 2026 yapfuye bikekwa ko yaba yiyahuye.

Inkuru y’urupfu rw’uyu mukinnyi yamenyekanye kuri uyu wa Gatandatu, tariki ya 11 Nyakanga 2026, aho bivugwa ko yinjiye mu bwogero akifungirana agahita yiyahura.

Jayden Oswin Adams yari aherutse guhagararira Afurika y’Epfo mu Gikombe cy’Isi cya 2026, aho yakinnye imikino yose uko ari itatu yo mu matsinda. Mu mukino wa 1/8 wahuje Afurika y’Epfo (Bafana Bafana) na Canada, ntiyahawe umwanya wo gukina.

Uyu mukinnyi yinjiye muri Mamelodi Sundowns muri Mutarama 2025 avuye muri Stellenbosch Football Club, ikipe yari yarigaragarijemo nk’umwe mu bakinnyi bo hagati beza muri shampiyona ya Afurika y’Epfo.

Amakuru y’urupfu rwe aje hashize iminsi mike nyirakuru yitabye Imana, ibintu byarushijeho gutera intimba abo mu muryango we n’abakunzi b’umupira w’amaguru.

Yanditswe na Niyirora Théogène

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27