Itsinda ry’Ingabo za EAC ziteguye gutabara ryasuye u Rwanda

Itsinda ry’Ingabo za EAC ziteguye gutabara ryasuye u Rwanda

Mu gitondo cyo kuri uyu wa Kane taliki ya 1 Ukuboza, Itsinda ryoherejwe n’Ubunyamabanga bw’Ingabo z’Umuryango w’Afurika y’Iburasirazuba ziteguye gutabara aho rukomeye (EASF) ryatangiye uruzinduko rw’iminsi itatu mu Rwanda. 

Intego nyamukuru y’urwo ruzinduko rw’abagize iryo tsinda riyobowe n’Umuyobozi wa EASF Brig Gen Vincent GATAMA, ni iyo kugenzura ubushobozi bw’Ingabo na Polisi by’u Rwanda mu birebana n’umusanzu iki gihugu cyiyemeje gutanga muri EASF. 

Ubuyobozi bw’Ingabo z’u Rwanda (RDF) bwatangaje ko mbere yo gutangira ubwo bugenzuzi, iryo tsinda ryabanje gusura icyicaro gikuru cy’Ingabo z’u Rwanda aho ryakiriwe n’Umuyobozi w’Ishami rishizwe Ubutwererane Mpuzamahanga mu bya gisirikare, Brig Gen Patrick Karuretwa. 

Bagiranye ibiganiro byibanze ku bufatanye buhari n’ubw’ahazaza hagati ya RDF na EASF.  

U Rwanda rusanzwe rwohereza abasiriakare n’abapolisi mu myitozo ya gisirikare mu rwego rwo gufatanya n’ibindi bihugu mu rugendo rwo kwihuza kw’Akarere, binyuze mu gukemura ingorane z’umutekano muke. 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27