Itabi ryica abarenga miliyoni 8 buri mwaka miliyoni 1.3 bicwa   n’umwotsi

Itabi ryica abarenga miliyoni 8 buri mwaka miliyoni 1.3 bicwa   n’umwotsi

Kunywa itabi ni bimwe mu byangiza ubuzima bwaba ubw’urinywa cyangwa ugerwahaho n’umwotsi waryo.

Ishami ry’Umuryango w’Abibumbye ryita ku buzima rivuga ko abantu 14 000 ku Isi bapfa buri munsi bazize itabi, ni mu gihe rihitana  abarenga miliyoni 8 ku mwaka, kandi muri bo miliyoni 1.3 ntibaba barinywa ahubwo bicwa n’umwotsi waryo.

Ishami ry’Umuryango w’Abibumbye ryita ku Buzima (WHO) rivuga ko uburyo bwose bwo gukoresha itabi bwangiza, kandi nta kigero kizewe cyo kurinywa kitatera ingaruka ku buzima.

Muri 80% by’abakoresha itabi abagera kuri miliyari 1,3 ku Isi hose barinywa baba mu bihugu bikennye aho bibasirwa cyane n’ingaruka ziterwa n’itabi zirimo n’imfu.

Umwotsi w’itabi utera indwara zikomeye zirimo iz’umutima, imitsi, indwara zibasira imyanya ny’ubuhumekero nka kanseri y’ibihaha, kandi ugahitana miliyoni 1.3 imburagihe.

Mu Rwanda Ikigo cy’Igihugu cyita ku Buzima RBC kivuga ko abantu 12.8% banywa itabi abiganje ari urubyiruko.

Raporo ya 2019 ya Tobacco Atlas igaragaza ko buri mwaka mu Rwanda hapfa abantu barenga 2000 bazize indwara ziterwa no kunywa itabi.

Ni mu gihe kandi OMS ivuga ko ku Isi 39% by’abagabo ari bo banywa itabi, mu gihe abagore ari 9%.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27