Israel Mbonyi yagiranye ibiganiro na Amb. Aurélie Royet-Gounin

Israel Mbonyi yagiranye ibiganiro na Amb. Aurélie Royet-Gounin

Ambasaderi w’u Bufaransa mu Rwanda, Aurélie Royet-Gounin yagaragaje ko yishimiye ibiganiro yagiranye n’umuramyi Israel Mbonyi ashimira Sherrie Silver wabahuje.

Ni ubutumwa Amb. Aurélie Royet-Gounin yasangije abamukurikira mu ijoro ry’itariki ya 19 Mutarama 2026, agaragaza ko ibiganiro bye n’uwo muramyi byagenze neza.

Yanditse ati: “Twanejejwe no guhura n’icyamamare nyarwanda mu ndirimbo zo kuramya no guhimbaza Imana, twaganiriye ku bijyanye n’uburyo indirimbo zikunzwe mu Rwanda n’uko umuco w’inganda z’umuziki uhagaze.

Twanaganiriye kandi ku buryo umuziki uhuza abantu, wakoze cyane Sherrie Silver kuba waratugejejeho igitekerezo.”

Israel Mbonyi yagiranye ibiganiro na Amb Aurélie Royet-Gounin nyuma y’uko aherutse kuzuza BK Arena ku nshuro ya kane mu gitaramo Icyambu 4 nk’uko agaragaza ko ari umushinga uhoraho asanzwe akora tariki 25 Ukuboza buri mwaka.

Umwaka wa 2025, wasize Israel Mbonyi akoze imishinga itandukanye irimo n’umushinga wa Alubumu ye ya gatanu yise ‘Hobe’ yashyize ahagaragara mu gitaramo cyabereye mu Intare Conference Arena tariki 05 Ukwakira 2025.

Israel Mbonyi yaherukaga gutaramira mu Bufaransa mu 2023
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27