Israel Mbonyi yagaragaje ibyishimo yatewe n’uko yakiriwe muri Uganda

Israel Mbonyi yagaragaje ibyishimo yatewe n’uko yakiriwe muri Uganda

Umuhanzi w’indirimbo zo kuramya no guhimbaza Imana Israel Mbonyi, yikojeje ku mbuga nkoranyambaga ze asangiza abamukurikira umunezero yatewe n’uburyo yakiriwe muri Uganda.

Mu rukerera rwa tariki 26 Kanama 2024, ni bwo muramyi Israel Mbonyi yasindutse agaragaza ugushima nk’umuco mwiza Abanyarwanda bimakaje imyaka n’imyaka.

Mu butumwa yanditse ku mbuga ze, yagize ati:” Mbega ijoro ry’igikundiro na none, urukundo rw’Imana kuri twe ruratangaje, warakoze Mana ku bw’abantu bawe batangaje, icyubahiro cyose kibe icyawe Papa.”

Ni igitaramo cyabaye mu ijoro ryo ku wa 25 Kanama 2024 i Mbarara, cyabanjirijwe n’icyabereye mu kibuga cya Lugogo Cricket Oval tariki 23 Kanama 2024, na cyo cyitabiriwe n’ibihumbi by’abantu maze bakizihirwa, babyina banaririmba indirimbo ze yaba iza vuba zirimo Nina Siri, Icyambu n’izindi.

Mu kiganiro yagiranye n’itangazamakuru, Mbonyi yavuze ko yiteguye icyo Imana izamukoresha, kandi ishimwe rye rishimangira ko yabanye n’Imana mu bitaramo bye.

Yavuze kandi ko kwakirizwa idarapo ry’Igihugu bivuze ikintu kinini kuri we, kuko ari ikimenyetso cy’urukundo ndetse ko urwo bamukunda na we arubakunda.

Mbonyi ataramiye muri Uganda mu gihe yari aherutse guha ibyishimo Abanyakenya mu gitaramo cyiswe Africa Worship Experience cyabaye tariki 10 Kanama 2024.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27