Israel ikomeje ibikorwa bya gisirikare muri Liban nyuma y’amasezerano ya USA na Iran

Israel ikomeje ibikorwa bya gisirikare muri Liban nyuma y’amasezerano ya USA na Iran

Nyuma y’uko Leta Zunze Ubumwe za Amerika na Iran bamaze gusinya amasezerano agamije guhagarika intambara no kongera gufungura Umuhora wa Hormuz, Israel iracyakomeje ibikorwa bya gisirikare muri Liban y’Amajyepfo, ibintu bishobora gukoma mu nkokora ishyirwa mu bikorwa ry’ayo masezerano.

Nk’uko Al Jazeera yabitangaje, u Busuwisi bwakiriye neza ayo masezerano, buyita intambwe ikomeye iganisha ku kugabanya ubushyamirane mu Burasirazuba bwo Hagati. Biteganyijwe kandi ko impande zitandukanye zizahurira mu Busuwisi kugira ngo ziganire ku buryo ayo masezerano yashyirwa mu bikorwa.

Hagati aho, Israel iri kugirana ibiganiro bikomeye na Leta Zunze Ubumwe za Amerika ku bijyanye no kugumana ingabo zayo muri Liban y’Amajyepfo. Bamwe mu banyapolitiki ba Israel bavuga ko kuva muri ako gace byashyira igihugu cyabo mu kaga.

Minisitiri w’Ingabo wa USA, Pete Hegseth, yavuze ko igihugu cye cyiteguye kongera ibikorwa bya gisirikare cyangwa ibihano bikomeye kuri Iran mu gihe yaba itubahirije ibyo yemeye muri ayo masezerano.

Abasesenguzi bavuga ko Israel ishobora kugerageza kubangamira ishyirwa mu bikorwa ry’aya masezerano, cyane cyane kubera impungenge ifite ku mutekano wayo ndetse n’uruhare rwa Hezbollah muri Libani.

Ku rundi ruhande, umutwe wa Hezbollah watangaje ko utazemera agahenge k’imirwano karimo inyungu z’uruhande rumwe gusa, ushimangira ko uzakomeza gusubiza ibitero by’igisirikare cya Israel.

Ibi bije mu gihe amaso y’Isi yose akomeje kureba niba amasezerano yasinywe hagati ya Perezida Donald Trump wa Leta Zunze Ubumwe za Amerika na Perezida Masoud Pezeshkian wa Iran azashobora kuzana amahoro arambye muri aka karere kamaze igihe karangwa n’intambara n’umutekano muke.

NIYIRORA Theogene

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27