Isiraheli yishe Abanyapalesitina barenga 50 bari bategereje imfashanyo

Isiraheli yishe Abanyapalesitina barenga 50 bari bategereje imfashanyo

Abasirikare ba Isiraheli bishe Abanyepalesitina 51 abandi benshi barakomereka ubwo yagabaga igitero aho bari bategerereje ibyo kurya hatangirwa imfashanyo muri Gaza.

Abakozi bo mu nzego z’ubutabazi n’abandi batangabuhamya bahamirije BBC iby’ayo makuru kuri uyu wa Kabiri aho bavuze ko bagabweho igitero ubwo bari ku murongo bategereje guhabwa ibyo kurya.

Ishami rishinzwe ibikorwa by’ubutabazi muri Gaza ryatangaje ko imibare y’abapfuye n’abakomeretse ishobora kwiyongera bitewe n’ubukana bw’icyo gitero.

Ibyo bibaye mu gihe ikibazo cy’inzara gikomeje gukara muri Gaza ndetse imiryango mpuzamahanga ikomeje gusaba Isiraheli gufungura inzira zinyuzwamo imfashanyo kugira ngo zigere ku baturage.

Nubwo igisirikare cya Isiraheli cyabwiye BBC ko kiri gukora iperereza kuri ibyo bitero ariko ibyo bibaye mu gihe ibitero bikomeje kugabwa ahatangirwa imfashanyo muri Gaza.

Mu itangazo ryasohowe n’Ingabo za Isiraheli (IDF), ryavuze ko habonetse imbaga y’abantu bari hafi y’amakamyo atwara imfashanyo yari yahagaze i Khan Younis, hafi y’aho ngabo za IDF zikorera bituma zirasa kuko zabonaga hari abari kuzisatira ariko ngo nyuma yo kumva ko hari abakomeretse bari gukora iperereza.

Bivugwa ko ibyo bitero byagabwe n’indege zitagira abapilote za Isiraheli kandi ibitaro bya Nasser, byo muri ako gace byavuze ko byuzuye ku buryo bigoye kwakira abandi barwayi.

Abarenga 50 bishwe na Isiraheli bagiye gufata imfashanyo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27