Iran yasabwe ibisobanuro ku bitero yagabye muri Azerbaijan

Iran yasabwe ibisobanuro ku bitero yagabye muri Azerbaijan

Leta ya Azerbaijan yavuze ko yagabweho ibitero by’indege na Iran; ivuga ko ifite uburenganzira bwo kwirwanaho ndetse ihamagaza Ambasaderi wa Iran muri icyo gihugu ngo atange ibisobanuro ku bw’icyo gitero.

Kuri uyu wa Kane, Azerbaijan yatangaje ko drone ebyiri zaturutse muri Iran imwe ikarasa  ku nyubako y’Ikibuga cy’indege Mpuzamahanga  cya Nakhchivan  indi ikagwa  hafi y’ishuri mu mudugudu wa  Shakarabad, bigakomeretsa abantu babiri.

Guverinoma ya Azerbaijan yahise ihamagaza  Ambasaderi wa Iran muri icyo gihugu, Mojtaba Demirchilou  imuha inyandiko zamagana ibyo bitero, ivuga ko igihugu gifite uburenganzira bwo gufata  ingamba zo kwirwanaho.

Minisiteri y’Ububanyi n’Amahanga ya Azerbaijan yamaganye icyo gitero, ivuga ko ari ukurenga ku mategeko mpuzamahanga kandi cyongera umwuka mubi mu karere.

Ku rundi ruhande ariko Iran yahakanye iby’ayo makuru ivuga ko itagambiriye kurasa ku bihugu by’abaturanyi.

Minisitiri wungirije w’Ububanyi n’Amahanga wa Iran, Kazem Gharibabadi yavuze ko batatera ibihugu baturanye ahubwo politiki yabo ari ugutera ibirindiro by’abanzi bayo bakorera mu karere, n’ibindi birindiro bikoreshwa na Isiraheli na Leta Zunze Ubumwe za Amerika zibagabaho ibitero.

Iran yahakanye ko yagabye ibitero muri Azerbaijan
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27