Inkangu yahitanye abarenga 1 000 muri Sudani

Inkangu yahitanye abarenga 1 000 muri Sudani

Inkangu yatewe n’imvura nyinshi yibasiye misozi ya Marra mu Burengerazuba bwa Sudani yahitanye abarenga 1 000 nkuko byatangajwe n’umutwe witwaje intwaro wa Sudan Liberation Movement/Army (SLM/A).

Iyo nkangu yaridutse mu mpera z’icyumweru yatewe n’imvura nyinshi imaze iminsi yibasiye utwo duce, ikaba yaranasenye umudugudu wa Tarasin, nk’uko uwo mutwe wabivuze mu itangazo, usaba inkunga z’Umuryango w’Abibumbye n’indi miryango mpuzamahanga.

Abaturage benshi bo mu Majyaruguru ya Darfur bari barahungiye mu misozi ya Marra nyuma y’intambara imaze igihe hagati y’Ingabo za Sudani n’Umutwe wa RSF.

Guverineri wa Darfur, Minni Minnawi yabwiye Ibiro Ntaramakuru by’Abafaransa (AFP) ko iyo nkangu ari icyago gikomeye asaba imiryango mpuzamahanga gutanga ubutabazi n’ubufasha nyuma y’ibyo byago.

Yagize ati: “Turasaba imiryango mpuzamahanga kuduha ubufasha muri ibi bihe bitoroshye. Ibi byago birenze ibyo abaturage bakwifasha ubwabo.”

Ibi biza byibasiye Sudani nyuma y’intambara yatangiye muri Mata 2023 hagati y’ingabo za Sudani n’umutwe wa RSF, yatumye igihugu cyinjira mu icuraburindi, inzara n’ubukene bukabije.

Imibare igaragaza ko kuva iyo ntambara yatangira mu 2023 bantu 150 000 bamaze kuhasiga ubuzima mu gihe abandi ibihumbi bavuye mu byabo.

Abarenga 1 000 bishwe n’inkangu muri Sudani abandi bakurwa mu byabo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27