Inkambi ya Mahama n’iya Kiziba zihariye ibikombe mu irushanwa ry’inkambi

Inkambi ya Mahama n’iya Kiziba zihariye ibikombe mu irushanwa ry’inkambi

Amakipe yaserukiye inkambi ya Mahama iherereye mu Karere ka Kirehe n’iya Kizaba yo mu Karere Karongi zihariye ibikombe byinshi mu marushanwa yahuzaga inkambi zose zibarizwa mu Rwanda.

Ku wa Gatandatu tariki ya 16 Kanama 2025, ni bwo mu Nkambi ya Mahama iherereye mu Karere ka Kirehe hasorejwe icyiciro cya gatatu cy’amarushanwa ahuza inkambi zose zibarizwa mu Rwanda yari amaze icyumweru aba. 

Ni amarushwa yakinwe mu byiciro birimo umupira w’amaguru, Volleyball, Basketball, Sitball na karate.

Ikipe ya Mahama yari mu rugo yisubije igikombe mu mupira w’amaguru itsinze iya Nyabiheke igitego 1-0. Iyi kipe kandi yegukanye n’icya Sitball, itsinze Mugombwa amanota 34-33.

Inkambi ya Kiziba yo mu Karere ka Karongi yegukanye igikombe muri Karate ndetse na Taekwondo.

Ni mu gihe, Inkambi ya Mugombwa yo mu Karere ka Gisagara yegukanye igikombe muri Volleyball itsinze Mahama amaseti 3-1. 

Muri Basketball, Inkambi ya Nyabiheke y’i Gatsibo yegukanye igikombe itsinze iya Kigeme amanota 72-62.

Iri rushanwa ritegurwa na Minisiteri y’Ibikorwa by’Ubutabazi (MINEMA) n’abandi bafatanyabikorwa. Uyu mwaka ryitabiriwe n’abakinnyi 750 bavuye mu makipe 49 aturuka mu nkambi ndwi.

Nyabiheke yegukanye igikombe cya Basketball
Abakinnyi ba Mugombwa bashyikirizwa igikombe begukanye muri Volleyball
Mugombwa yegukanye igikombe cya Volleyball mu bagore
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27