Ingabo z’u Burundi zinjiye muri RDC zinyuze mu Rwanda

Ingabo z’u Burundi zinjiye muri RDC zinyuze mu Rwanda

Ku mugoroba wo ku cyumweru taliki ya 5 Werurwe, Ingabo z’u Burundi zoherejwe n’Umuryango w’Afurika y’Iburasirazuba kugarura amahoro mu Burasirazuba bwa Repubulika Iharanira Demokarasi ya Congo (EACRF), zaraye ziciye ku mupaka munini uhuza Umujyi wa Gisenyi n’uwa Goma mu gihugu cy’abaturanyi.

Amashusho akomeje gucicikana ku mbuga nkoranyambaga aragaragaza Imodoka za gisirikare zambuka umupaka, bikaba bivugwa ko hari n’abandi basirikare b’u Burundi babarirwa muri 30 bageze i Goma ku manywa baje mu ndege yo muri Kenya.

Ku wa kane w’icyumweru gishize ni bwo Ubunyamabanga Bukuru bwa EAC bwatangaje ko u Burundi bugiye kohereza ingabo mu Butumwa bwa EACRF nk’uko bikubiye mu myanzuro y’inama yahuje Abagaba Bakuru b’Ingabo z’ibihugu bigize uyu muryango yabaye ku ya 9 Gahsyantare 2023.

Abagaba Bakuru b’Ingabo bahuye nyuma y’amabwiriza bahawe n’Abakuru b’ibihugu mu Nama ya 20 yabahuje ku ya 4 Gashyantare, hagamijwe gufatira hamwe ingamba zigamije kugarura amahoro arambye mu Burasirazuba bwa RDC.

Abasirikare b’u Burundi banyuze mu Rwanda mu gihe itsinda ry’intumwa zoherejwe na Perezida w’u Burundi Evariste Ndayishimiye ryaraye rigeze i Kigali, aho ryashyikirije Perezida wa Repubulika y’u Rwanda Paul Kagame ubutumwa bwihariye.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27