Ikinyoma cya Badibanga wabaye Minisitiri w’Intebe wa RDC cyanyomojwe

Ikinyoma cya Badibanga wabaye Minisitiri w’Intebe wa RDC cyanyomojwe

Ku mugoroba w’ejo ku wa Kane tariki 20 Gashyantare 2025, Samy Badibanga wabaye Minisitiri w’Intebe wa Repubulika Iharanira Demokarasi ya Congo mu 2018, yakwije ikinyoma cy’uko Guverinoma y’u Budage yaba yahagaritse inkunga bugenera Leta y’u Rwanda.

Badibanga yavuze ko ingengo y’imari y’u Rwanda 32% byayo ari inkunga y’amahanga igamije iterambere.

Yakomeje agira ati: “Igihe ibihugu byose bizaba byahagaritse inkunga yabyo, intambara n’ubushotoranyi by’u Rwanda bizaba bigeze ku iherezo.”

Ambasade y’u Rwanda mu Budage yanyomoje amakuru yuko u Budage bwaba bwahagarikiye u Rwanda inkunga.

Ibinyujije ku rubuga rwayo rwa X rwahoze ari urwa Twitter, yagize ati: “Ntimwite kuri aya makuru y’ibihuha acicikana ku mbuga nkoranyambaga.”

Itegeko rihindura itegeko rigena ingengo y’Imari ya Leta ya 2024/2025, rigaragaza ko inkunga z’amahanga yari iteganyijwe kwinjira izagabanyuka kubera impamvu zitandukanye nubwo inguzanyo zo ziziyongera.

Impano z’amahanga biteganyijwe ko zizagabanyuka bityo zive kuri miliyari 725.3 Frw zigere kuri miliyari 621.2 Frw.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27