Iburasirazuba: Guverineri yijeje ubufasha abarokotse impanuka

Iburasirazuba: Guverineri yijeje ubufasha abarokotse impanuka

Rubingisa Pudence, Guverineri w’Intara y’Iburasirazuba, yijeje ubufasha abarokotse impanuka iherutse kubera mu kiyaga cya Mugesera gikora ku turere twa Rwamagana, Ngoma na Bugesera.

Amakuru aheruka agaragaza ko imibiri y’abantu 16 ari yo yari imaze gukurwa mu Kiyaga cya Mugesera mu Karere ka Rwamagana.

Mu baguye muri iyi mpanuka, Polisi yavuze ko harimo n’impinja ebyiri.

Imvaho Nshya yamenye amakuru ko abaguye mu mpanuka bose baturukaga mu Murenge umwe wa Karenge mu Karere ka Rwamagana.

Ku wa Gatanu w’icyumweru gishize ubwato bwari butwaye abaturage 46 bwararohamye, abantu 31 babasha kurokoka.

Mu butumwa bugufi Guverineri Rubingisa yatambukije ku rubuga rwa X, yavuze ko bakomeje kwihanganisha imiryango yaburiye abayo mu mpanuka y’ubwato kandi anayizeza ubufasha.

Yagize ati: “Ubuyobozi burakomeza kuba hafi abarokotse iyo mpanuka ndetse no gufasha mu gushyingura abazize iyo mpanuka”.

Umuvugizi wa Polisi y’u Rwanda mu Ntara y’Iburasirazuba, SP. Twizeyimana Hamdun yabwiye itangazamakuru ko impanuka y’ubwato yatewe no gutwara abantu benshi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27