Ibinyobwa bisembuye n’itabi mu byatumye ibiciro byiyongeraho 1,7%

Ibinyobwa bisembuye n’itabi mu byatumye ibiciro byiyongeraho 1,7%

Ikigo cy’igihugu cy’Ibarurishamibare mu Rwanda (NISR) cyatangaje ko mu kwezi kwa Kanama 2024, ibiciro mu Rwanda byiyongereyeho 1,7% ugereranyije na Kanama 2023 mu gihe muri Nyakanga 2024 byari byiyongereyeho 1,5%.

Bimwe mu byatumye ibiciro byiyongera mu kwezi kwa Kanama 2024, ni ibiciro by’ibinyobwa bisembuye n’itabi byiyongereyeho 11,6%, ibiciro by’amazu, amazi, amashanyarazi, gazi n’ibindi bicanwa byiyongereyeho 5,2% n’ibiciro by’ibijyanye n’ubwikorezi byiyongereyeho 19,6%.

Ugereranyije Kanama 2024 na Nyakanga 2024, ibiciro byiyongereyeho 1,4%, iri zamuka rikaba ryaratewe ahanini n’ibiciro by’ibiribwa n’ibinyobwa bidasembuye byiyongereyeho 2,4%.

Ubuyobozi bwa NISR buvuga ko  mu kwezi kwa Kanama 2024, ibiciro mu mijyi ibiciro byiyongereyeho 5% ugereranyije na Kanama 2023, mu gihe mu kwezi kwa Nyakanga 2024 byari byiyongereyeho 4,9%.

Mu kwezi kwa Kanama 2024, ibiciro byiyongereye bitewe ahanini n’ibiciro by’ibiribwa n’ibinyobwa bidasembuye byiyongereyeho 1,6%, ibiciro by’amazu, amazi, amashanyarazi, gazi n’ibindi bicanwa byiyongereyeho 4,8% n’ibiciro by’ibijyanye n’ubwikorezi byiyongereyeho 19%.

Ugereranyije Kanama 2024 na Kanama 2023, NISR ivuga ko ibiciro by’ibintu bitarimo ibiribwa n’ibikomoka ku ngufu byiyongereyeho 5,6% wagereranya Kanama 2024 na Nyakanga 2024 ugasanga ibiciro byiyongereyeho 0,9%.

Iri zamuka bivugwa ko ryatewe ahanini n’ibiciro by’ibiribwa n’ibinyobwa bidasembuye byiyongereyeho 1,9% n’ibiciro by’amafunguro n’icumbi byiyongereyeho 2,2%.

Ku birebana n’ibiciro byo mu byaro, mu kwezi kwa Kanama 2024, byagabanyutseho 0,3% ugereranyije na Kanama 2023 mu gihe ibyo mu kwezi kwa Nyakanga 2024 byari byagabanyutseho 0,6%.

Bimwe mu byatumye ibiciro bigabanyuka mu kwezi kwa Kanama 2024 ni ibiciro by’ibiribwa n’ibinyobwa bidasembuye byagabanyutseho 6%.

Ugereranyije Kanama 2024 na Nyakanga 2024, ibiciro byiyongereyeho 1,7%, iri zamuka rikaba ryaratewe ahanini n’ibiciro by’ibiribwa n’ibinyobwa bidasembuye byiyongereyeho 2,6%.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27