Hemejwe igihe cyo gusimbuza Komite Nyobozi ya Rayon Sports

Hemejwe igihe cyo gusimbuza Komite Nyobozi ya Rayon Sports

Ikipe ya Rayon Sports yatumiye abanyamuryango bayo mu Nteko Rusange izaberamo n’amatora yo gusimbura Komite Nyobozi icyuye igihe, iteganyijwe tariki ya 16 Ugushyingo 2024. 

Ku wa 13 Nzeri ni bwo uwari Perezida w’Umuryango Rayon Sports, Uwayezu Jean Fidèle, yeguye kubera uburwayi, bisa n’ibiciye igikuba kuko yasaga n’uyobora wenyine ndetse ubu bwegure bwaje nyuma y’isezera ry’Umunyamabanga Mukuru, Namenye Patrick wari watanze iminsi 30 y’integuza muri uko kwezi.

Ibi byatumye Ngoga Roger wari usanzwe ari Visi Perezida wa Kabiri ari we ufashe iyi kipe, aho yari amaze iminsi afashwa na bamwe mu bahoze bayobora Rayon Sports mu buzima bwa buri munsi kugeza ubwo manda ye irangiriye tariki ya 24 uku kwezi.

Uretse Komite Nyobozi ya Rayon Sports, Inteko Rusange izanatora abagize inama y’ubutegetsi y’iyi kipe “Board” aho abazayijyamo bazaba biganjemo abahoze bayobora iyi kipe mu bihe bitandukanye.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27